UPAT ka mga direct contact sa unang kaso sa Lungsod sa Alcoy ang nadugang sa mga nataptan sa new coronavirus karong Huwebes, Hulyo 2, 2020.

Sa upat nga mga direct contact unang pasyente, tulo niini ang mga myembro sa iyang pamilya nga puro residente sa Barangay Poblacion, samtang ang usa pa ka bag-ong kaso residente sa Barangay Pugalo.

Sa Facebook post sa Alcoy Rural Health Unit, gi-taho nila nga sa upat ka mga bag-ong kaso tulo niini ang mga adunay mild na simptomas sa virus.

Matod usab sa post nila nga ang tanang mga bag-ong kaso na isolate na.

Gipasalig sa lokal na kagamhanan na padayon ang pag contact tracing sa mga na direct contact sa mga bag-ong kaso ug nagpahinomdom usab sila sa mga residente sa kanunay na pag sunod sa mga health protocols sama sa pag sul-ob og face masks, kanunay na pagpanghunaw ug pag sunod sa sakto na social distancing aron makalikay sa pagkatap sa virus. (RSR)