LAING drug personality ang nasikop sa gihimong bu- bust operation sa Sawang Calero Police Station alas 6:45 gabii, Hulyo 18, sa Palma Street, Barangay Pasil sa siyudad sa Sugbo.

Ang dinakpan giila nga si John Daymiel, 23 anyos nga nakuhaan og napulo ka medium packs nga motimbang kinig 50 grams nga mokantidad sa P340,000.

Ang dinakpan wala malakip sa watchlist sa kapulisan ug gituohan nga bag-o pa sa illegal nga negosyo apan milutaw ang iyang pangalan human adunay naka hatag sa impormasyon nga namaligya kining shabu.

Gilusad dayon ang buy bust operation nga miresulta iyang pagkasikop.

Sa laing anti-illegal drug operation moabot usab ngadto sa P238,000 nga balor sa drugas ang nakuha sa Labangon Police station sa ilang buy bust operation sa sitio Tuburan Barangay Punta Princesa siyudad sa Sugbo alas 4:30 karong kaadlawon Hulyo 19 diin tulo ka mga suspek ang nadakpan.

Ang mga nasikop giila nga silang Dennis Mata Giegjie, 26 taga sitio Trinidad, Punta Princesa, Lope Alquisar Alcontin, 42, usa ka panday ug Alija Zarmento Wuillemin, 54.

Nakuha sa tulo ka dinakpan ang mga pinakete sa gituohang shabu nga naa na karon sa kustodiya sa PNP Crime laboratory. (AYB)