Nitunol og tabang ang lokal nga kagamhanan sa lungsod sa Kananga, Leyte pinangulohan ni Mayor Matt Torres ngadto sa usa ka 7-anyos nga bata nga nag-trending sa social media human gi-post sa usa ka netizen ang kahimtang nga gipriso sa pamilya.

Dali nga gipasusi ni Torres ang report bahin sa kahimtang sa usa ka bata sa Sitio Arar, Barangay Libongao diin nagpuyo ang pamilya.

Nakit-an sa kagamhanan pinaagi ni PIO Romeo Toñacao ug MSWD officer Ignacia Mangalao ang bata.

Gitug-an sa inahan niini nga ilang gisulod sa kahoy nga kuna ang bata apan sama sa gitangkal.

Base sa inisyal nga impormasyon, lihok daw kaayo ang bata ug mangaguba ilang butang pero ibalik nila og pasulod ang bata kung tingkatug .

Dili usab normal ang lihok sa bata busa gipadala kini sa Municipal Health Office.

“Akong saad sa pamilya nga padayon mo abag ang LGU-Kananga para sa check-up ni Baby pinaagi sa atong medical and food assistance” matod ni Torres

Kung dunay gusto mo-donate sa bata, pwede ra mo tawag sa 0917-164-4259. (JKDP)