PITO ka gikatahapang mga durugista sa Dakbayan sa Sugbo ug Talisay nasikop sa managlahi nga mga operasyon.

Usa ang nasikop sa Drug Enforcement Unit (DEU) sa Parian Police Station sa buy-bust sa gawas sa usa ka lodging house sa Barangay Parian, Dakbayan sa Sugbo

Si Police Major Armando Labora, hepe sa Parian Police Station, ug mga ginsakpan nisikop kang Quiven Catampo, 23, taga lungsod sa Sominot, Zamboanga Del Sur.

Si Catampo gipusasan human sa buy-bust ug nakuhaan og 8 gramos sa gituohang shabu nga mobalor og kapin sa P50,000.

Samtang sa laing buy-bust sa Police Drug Enforcement Group (PDEG) Visayas gipangulohan ni Police Lieutenant Colonel Warren Dablo, ilang nasikop ang unom ka mga durugista sa sityo Proper, Barangay San Roque, Dakbayan sa Talisay nga niresulta sa pagkasikop sa unom ka mga durugista.

Ang mga nadakpan mao sila si Aljie Cabrera, alyas Baka, 35; Erwin Caballes, 20; Jandy Cabanero, 27; Badel Parages, 29; Christian Lou Veloso, 22; ug Pretty Boy Segovia, 21. (BBT)