PITO ka mga tawo ang nadakpan sa pagpangronda sa mga sakop sa Philippine Drug Enforcement Agency (PDEA) 7 ug kapin sa P60 mil o 10 gramos ang nasakmit nga drugas sa Sitio Tuburan, Barangay Punta Princesa, dakbayan sa Sugbo niadtong Sabado sa gabii, Septiyembre 7, 2019.

Matod ni Leia Albiar-Alcantara, tigpamaba sa PDEA 7, usa ka high impact operation ang nahitabong ronda sa Punta Princesa nga niresulta sa pagkasikop sa ilang target ug lain pang unom ka mga tawo.

Giila ni Alcantara ang mga dinakpan nga sila si Jason Candillada, 30, kinsa maoy nagmitinar sa drug den.

Ang lain pang unom nga nasikop sulod sa maong den mao sila si Victor Candillada, 36, construction worker; William Cui, 35; Nassrodin Mama, 22, taga Barangay Buhisan; Rodolfo Avila, 39; ug Jhoe Supatan, 21, taga Punta Princesa.

Gawas sa kwarta, nasakmit usab ang pipila ka drug paraphernalia sulod sa drug den. (BBT)