NABAWI na sa University of the Philippines-(UP) Cebu ang parte sa ilang yuta nga giokupahan sa dul-an 70 ka mga pamilya human gipatuman sa court sheriff ang writ of demolition nga giisyu korte niadtong Pebrero niining tuiga sa sityo Avocado, Barangay Lahug, Miyerkules, Agusto 7.

Human sa kapin tulo ka tuig, ang Regional Trial Court ni-resolbar sa kaso pabor sa UP-Cebu.

Ang unibersidad adunay gihuptan nga titulo sanglit ang luna lakip sa 2.6 ektaryas nila nga propiedad, diin ang sityo Avocado nahimutang buyon sa property sa UP.

Niadtong Hulyo 23, unang adlaw nga gitakda ang demolition, wa motunga ang court sheriff.

Kagahapon, Agusto 7, kuyog ang mga pulis ug demolition team, niabot sa sityo Avacado pasado alas 9 sa buntag ang sheriff.

Apan wa dayon masugdi ang demolition gumikan sa gipahigayon nga kulokabildo uban sa homeowners ug legal council uban sa City Government. (PAC)