ISIP hulip sa pito ka mga punoan nga gikatakda nga pamutlon sa dakbayan sa Naga, 700 ka mga punoan ang itanom unya sa Department of Environment and Natural Resources (DENR) ug Provincial Environment and Natural Resources Office (PENRO).

Gibanabana nga mokabat sa P180,000 ang gigahin nga budget sa DPWH alang sa paghulip sa mga punuan,matag punuan gigahinan ug P270.00 alang sa mentainance sulod sa lima ka tuig.

Mokabat sa 32 ka mga punuan ang giingon pamutlon tungod sa road widening project.

Apan human sa gihimong reassessment sa PENRO, City Environment and Natural Resources Office (CENRO) ug DPWH kauban ang mga opisyal sa lokal nga kagamhanan sa mga punuan, 28 nalang gikan sa giingong 32, ka mga punuan ang gikonsiderar nga susihon ug pamutlon.

Gipsabot ni Naga City acting Mayor Kristine Vanessa Chiong nga unom sa pito ka mga punuan nga anaa sa dakbayan sa Naga ang gikatakda nga pamutlon na gyud diha tungod kay gawas nga nagtungtong kini sa carriage area ug sa sidewalk, usa sa mga punuan ang gabok na ug possible nga makaamong ug makadisgrasya sa mga motorista ug pasahero.

“So that would be very clear, the City government of Naga has been consistent on its stand nga kon mga kahoy gyud nga ni pose ug threat, hazard, and danger to the commuters and motorists plying to the roads of Naga, must be cut”, matod ni Chiong.

Mihangyo usab si Chiong sa DENR nga gahinan usab niini pagtanom ang pipila ka luna sa syudad. (ANV)