USA ka pribadong kompaniya nidonar og 75 ka karton nga ready to drink coffee ngadto sa Police Regional Office (PRO) 7 niadtong Dominggo, Abril 5, alang sa mga pulis nga frontliners sa pagpakgang sa coronavirus disease 2019 (Covid-19).

Gidawat ni Police Brigadier General Albert Ignatius Ferro, direktor sa PRO 7, ang kinarton nga kape uban ni Merchandising and Promotions Supervisor Oliver Galan, Region Merchandising and Promotions Manager Jerome Soon ug Area Distribution Manager Louie Areglo sa Kopiko.

Ang maong mga ready to drink coffee moabot ngadto sa 1,800 ka mga botelya ug gitakdang ipang-apud-apud sa mga pulis nga naka-duty panahon sa kagabhion sa mga quarantine checkpoints sa dakbayan sa Sugbo. (AYB)