BABATNGON, Leyte - Usa ka lola ang gipatay sa usa ka embalsamador duol sa punerarya nga gitrabahoan niini sa Sitio Pitogo, Barangay District 1, Babatngon Leyte.

Ang biktima usa ka ginganlan og ‘Magdalena’, 78, minyo, taga Ridge View Channel, District 1, lunsod sa Babatngon, Leyte.

Ang embalsamador nga suspek giila na sa kapulisan nga si Ramel Dela Cruz, 37, embalmer, nagpuyo sa samang lugar sa biktima.

Sumaa sa kapulisan, nadakpan ang suspek ug niangkon kini nga siya ang nibuhat sa krimen.

Base sa report sa kapulisan, sila nakadawat og tawag bahin sa usa ka patayng lawas nga nakit-an sa garbage yard sa Tapitan Funeral Parlor.

Ang lawas sa biktima nakit-an pasado alas 7:00 sa buntag kagahapon, Septiyembre 23.

Gisusi sa kapulisan ang insidente ug naabtan ang lawas sa lola nga nag buy-od ug wala nay kinabuhi.

Matod sa kapulisan, naa na sa state of decomposition ang lawas sa biktima sa dihang nakit-an kini sa mga tawo.

Base sa imbestigasyon, death by strangulation due to sexual desire ang hinungdan sa kamatayon sa biktima.

Usa ka impormasyon ang nadawat sa kapulisan bahin sa suspek hinungdan nga gilusad dayun nila ang operasyon.

Wala pa matino sa taho kon dunay saksi sa krimen ug kon nganong wala kini dayon gisumbong sa lapulisan.

Naa na sa kustodiya sa kapulisan ang suspek ug gibalhog sa bilangoan sa lungsod ug gikatakda nga pasakaan tumang kaso bahin sa kamatayon sa 71 anyos nga tiguwang. (JKDP)