WALO ka mga sugarol napusasan human gironda sa kapulisan ang tigbakayan sa Huwebes sa alas 3:30 sa hapon, Oktubre 29, 2020 sa Barangay Siotes, lungsod sa Tuburan, Sugbo.

Ang nasikop giila sa kapulisan nga sila si si Marlou Novicio, 23, ulitawo, nagpuyo sa lugar; Aldrin Novicio, 29; Renolita Medequillo, 53; Isidro Magpuyo, 41; Cyrell Sampalad, 18; Pablo Rubas, 44; Ryan Sarsalijo, 24; Nilo Gonzalez, 62.

Si Police Staff Sergeant Romar Andrino, sa Tuburan Police station nga nahinabi sa Superbalita Cebu nagkanayon nga dunay mitawag sa ilang buhatan nga nagpadayon ang sultada sa tigbakay.

Daling niresponde ang iyang mga kauban, ilang naabtan gibana-banang dul-an sa 50 ka mga sugarol.

Dali nilang gihamagan, apan abtik nga nakadagan ang ubang mga sugarol hinungdan nga walo lang ang napusasan.

Nakuha sa kapulisan ang duha ka mga nga manok igtatari nga duna pay mga buwang ugP400 nga gituohang pusta.

Ang mga dinakpan pasakaag kasong illegal gambling ug kalapasan sa health protocol samtang naa pa sa modified general community quarantine ang Sugbo. / GPL