Unang adlaw sa local absentee voting alang sa kapulisan, media personality, Armadong Kusog sa Pilipinas ug sa ubang ahensya sa gobiyerno kagahapon, Abril 27, gihulagway sa Cebu City Police Office (CCPO) nga han-ay ug malinawon.

Gihimo kini alang sa mga awtoridad nga dili makaadto sa ilang presinto sa eleksiyon sa Mayo 9, 2022 tungod sa ilang opisyal nga assignment sa laing dapit.

Dul-an sa duha ka libo ka mga police personnel sa Central Visayas ang gitugotan sa Comelec nga makasalmot sa local absentee voting nga gisugdan gahapon Abril 26, 2022 ug matapos kini sa Huwebes Abril 28, 2022.

Matod ni Police Lieutenant Colonel Wilbert Parilla, deputy director for operations sa CCPO, nga lakip usab nga nipahimulos sa absentee voting sanglit siya narehistro sa lungsod sa Tabuelan.

Adunay 250 ka mga pulis sa siyudad sa Sugbo ang naka-schedule kagahapon wala pay labot ang personnel sa kampo sa CPPO ug Regional Mobile Force Battalion (RMFB) 7.