ANG Barangay Kalunasan ug Barangay Bonbon ang naghari sa float ug booth display contest atol sa ika-10 nga Agri Bonanza sa Plaza Sugbo.

Ang Kalunasan maoy labing nindot nga desinyo sa parade float contest diin nagkadaiyang maanindot nga bulak sa ilang float diin ilang nakuha ang P100,000. Ikaduha ang Taptap (P75,000) ug third placer ang Guba (P50,000).

Gideklara nga mananaog sa booth display contest diin ilang gidesinyo nag lainlaing prutas nga produkto sa mga mag-uuma mao ang Barangay Bonbon diin P75,000 ang premyo, ikaduha ang Barangay Pamutan, P70,000, ug P50,000 ang nakuha sa barangay Sapangdaku sa katulong dapit.

Si Joey Baclayon, pangulo sa City Agriculture Department, nagkanayon nga ang maong kalihukan nagpakita nga ang Cebu City adunay abunda nga abot sa agrikultura. (PAC)