Balita

Airport police gipusil sa riding in tandem, patay

Sunnexdesk

DEAD on arrival sa tambalanan ang usa ka airport police human pusila makadaghan sa riding in tandem mga alas 4:30 Biyernes sa hapon, Nobiyembre 13, 2020, sa tugkaran sa ilang balay sa Sitio Bonbon, Barangay Ocaña, dakbayan sa Carcar.

Ang biktima giila sa kapulisan nga si Airport Police Jovani Dayangco, 37, minyo, nadestino sa Mactan Cebu International Airport (MCIA).

Si Police Lieutenant Colonel Allan Rosario, hepe sa Carcar Police Station nga nahinabi sa Superbalita Cebu, nagkanayon nga wa pa nila mailhi ang mga gunman nga nagsakay sa motorsiklo.

Sumala pa ni Rosario nga si Dayanco bag-o lang nauli, nanilhig gawas sa ilang balay dihang niabot ang duh aka mga tawo.

Ang usa niini nikanaug ug nipusil kang Dayanco sa makadaghang mga higayon.

Daling gidala sa tambalanan sa Carcar Provincial Hospital apan gideklarar sa mga doktor nga DOA.

Matod ni Rosario nga wa pa siyay kompletong mga detalye kay nagpadayon pa ang ilang imbestigador sa pagpakisusi sa dapit.

Ang alarma alas 5:08 na nila nadawat samtang ang mga sakop sa Scene of the Crime Operation (SOCO) naa pa sa dapit ./GPL

(Logo from: http://region7.dilg.gov.ph/lgus/lapu-lapu-city/)

Lapu to charge tourists environmental fee

Rama to file ‘tsunami’ of cases vs. MCWD, CPA

DOTr: Unconsolidated PUVs to be given due process before franchise revocation

66 heat-related illnesses logged among students in Central Visayas

Unconsolidated PUVs to be given ‘due process’ before revocation of franchises