ANAK ug ang apo sa Haponesa nga gibanhigan-patay sa dan N. Bacalso, siyudad sa Sugbo ningbisita sa Cebu City Police Office (CCPO) aron moluwat sa pinanumpaang pamahayag alang sa pagpasaka'g kasong murder sa nagpatay ni Junko Hamada niadtong Agusto 24.

Wala lang una gipaila sa CCPO ang anak ni Hamada samtang gikuhaan silag affidavit sa Investigation and Detective Management Branch (CIDG) 7.

Alang na unya sa pagpasakag kaso batok ni GB Bertulfo nga taga South Hills, Barangay Tisa sa syudad sa Sugbo nga niangkon nga siya ang ni-ambush kang Hamada uban sa iyang hinigugma nga si Mary Jane Aguilar.

Usa sa mga imbestigador sa CCPO nga dili lang una magpa hingan nga maoy nag hawid sa maong kaso ang mitug-an nga ang ilang amahan ang ilang gitumbok nga nagpaluyo sa kamatayon sa biktima. AYB