ISIP temporaryo nga puli sa pito ka mga traffic enforcer nga nataktak kay adik, unom ka mga babayeng’ enforcer sa siyudad sa Talisay ang nihimo na sa pagsita ug pag-isyu og cititation sa mga malapason sa balaud sa trapiko.

Sabado sa buntag gikan sa alas 9 hangtud sa alas 11, Hulyo 27, naka-isyu gyud ang unom ka mga babayeng’ traffic enforcer og 24 ka citation diin 4 niini ka motorsiklo ang na-impound pa.

Giklaro ni Jonathan Tumulak, nga usa ka paagi usab kini pagpakita sa gender equality, nga kon unsay makaya sa mga lalaking’ traffic enforcer mahimo usab sa mga babaye.

Lain nga nakitang’ maayong rason, ang malikayan ang lalis tali sa mga motoristang’ malapason ug sa enforcer, kay mas nakita nga dili daling’ moinit ang ulo sa mga babaye ug mas kabalo mopahimutang og pasabot.

Apan himuon na nga kanunay nga mo-field ang mga babayeng’ enforcer bisan kon madugangan na ang ilang grupo.

Ang mga babaye ang motabang atol sa peak hours sa alas 6-8 sa buntag ug alas 4-7 sa gabii, ug atol sa adlaw nga Sabado.

Lakip na sa na-isyuhan og citation ang mgamotorsiklo nga nag-illegal parking sa daplin sa dalan sa national highway.

Gitug-an ni Tumulak nga sukad sa estrikto nga pagpatuman sa ordinansa sa ‘No parking’ sa talisay, niadtong Lunes, Hulyo 22. (FMD)