Dul-an sa upat ka tuig sa pagkuha og pundong salapi alang sa proyekto, ang bag-ong P10 billion container port sa lungsod sa Consolacion nga gipanglantawan nga solusyon sa cargo traffic congestion sa Cebu International Port, hapit na matuman.

Ang Department of Transportation (DOTr) nipahibalo niadtong Sabado, Pebrero 19, 2022 nga nagdapit na alang sa sealed bids gikan sa prequalified bidders alang sa pagtukod sa New Cebu International Container Port Project (NCICPP) sa Consolacion..

Ang proyekto gipundohan og US$172,641,000 (P8.884 billion) nga loan gikan sa Export-Import Bank of Korea sa Republic of Korea’s Economic Development Cooperation Fund.

Ang loan nadawat na sa kagamhanan sa Republic of the Philippines.

Ang Invitation for Bids giisyu sa Pebrero 18, 2022, ang DOTr nagkanayon nga ang bidding alang sa Detailed Design and Civil Works, diin $118,019,000 (P6.073 billion) ang pahat sa loan.

Ang pre-qualified bidders mahimong mopalit sa complete set of bidding documents alang sa non-refundable fee nga P75,000.

Ang deadline para sa bids sa alas 9:00 sa buntag sa Mayo 20, 2022, ug bids kinahanglan ubanan og $2 million (P102.922 million) bid security.

Ang bids ablihan sa samang adlaw.

Ang tibuok proyekto mobalor og kapin sa P10 billion ug ang Pilipinas gipaabot nga mohatag og counterpart funding nga $26.090 million o P1.342 billion (base sa exchange rate nga P51.46 tali sa US dollar karon).

Ang Pilipinas ug South Korea nilagda og $172.641 million loan agreement niadtong Hunyo 4, 2018 atol sa pagbisita ni Presidente Rodrigo Duterte sa South Korea.

Ang pier tukuron sa 25-hectare reclaimed land sa Barangay Tayud, Consolacion.

“It will include a berthing facility with a 500-meter quay wall length that can simultaneously accommodate two 2,000 TEU (Twenty-foot Equivalent Unit) vessels; operating facilities and structures for containers, such as a freight station and inspection shed; an access road and bridge; and a dredged waterway and turning basin,” sumala sa pamahayag.