GISUBHAN ang buhatan sa Philipine Extension Office (PEO) sa Philippine Crop Insurance Cop. (PCIC) Region 7 sa lungsod sa Ubay nga nahimotang sa northwestern sa lalawigan sa Bohol niadtong Enero 24, 2019.

Si Rev. Father Sherwin Lim maoy nangulo sa pagsubo sa buhatan nga naa usab sa iyang bag-ong nahimotangan sa 2nd floor, Regner Bldg. sa Poblacion, Ubay,

Sa bag-ong buhatan, ang iyang kliyente nitubo og 38% tungod sa pagkaduol sa ubang municipal offices, agricultural market ug naa sa sentro sa malambuong lungsod.

Ang maong okasyon gitambongan ni PCIC’s VP for Corporate and Business Affairs Group, Antonio S. Uy II, nga nihimo sa ribbon cutting uban nila ni RM Crescencio V. Deligero Jr.

Lakip sa nitambong ang mga lider sa mga mag-uuma ug ubang mga opisyal gikan sa lokal nga kagamhanan sa Alicia, Katipunan, Pilar ug Ubay.

Ubos sa maayong logistics ug dugang kawani, ang PEO Ubay gipanglantawan nga molapas sa ilang gibanabana ning tuig 2018 alang sa tanang product lines nga narehistro sa mosunod nga statistics: 48, 280 farmers covered, P1.4 billion worth sa insurance exposure, uban sa total premium nga P106.71 million. (PR)