Laing konsehal sa barangay ug treasurer sa usa ka barangay sa lungsod sa Argao apil sa nasikop sa kapulisan sa tigbakayan sa Barangay Canbanua pasado alas 2 sa Huwebes sa hapon, Agusto 6, 2020.

Ang duha ka mga barangay official giilang sila si konsehal Edilor Subrecary Salomere, 58, lumolupyo ra usab sa maong barangay ug Jimster Salomere Bajenting, 34, ibaranggay Treasurer,

Lakip sa nasikop sa mga sakop sa Argao police station mao silang Ruel Escalante, 54, taga barangay Poblacion; Nikki Romanillos Yting, 50; ug Angelo Abella Bajo, 32.

Samtang ang nakadagan nga wala na madakpi sa mga police mao silang Lemuel Cañete ug Carlo Quintanar, pulos taga Poblacion, Argao ug Richard Sarsaba, taga barangay Canbanua.

Matod ni Police Captain Elston Dabon III, hepe sa Argao police station, nga nakadawat silag tawag gikan sa usa ka concerned citizen sa Barangay Canbanua nga adunay nagpadayon nga tigbakay nga gipadagan ni Yting.

Dali dayon nga gi respondehan sa mga pulis. (AYB)