LUWAS ra ang tanang tripolante lakip na ang kapitan sa M/V Filipinas Dinagat sa Cokaliong Shipping Lines Inc., kini human masunog ang maong barko diha sa kadagatan sa Carmen ug Sogod.

Wala pa masuta kon unsa ang rason sa maong sunog apan gi-abandonar na sa maong nga tripolante ug kapitan ang barko.

Matod ni CDR Alvin Dagalea, Philippine Coast Guard (PCG) Station Cebu Central commander ug spokesperson sa Coast Guard District Central Visayas, nga gikan sa dakbayan sa Sugbo sa Pier 1 ang maong barko.

Paingon unta kini sa Palompon, Leyte apan nakadawat sila og report nga nasunog kini sa naasoy nga dapit alas 10:00 karong gabii.

Sumatotal 48 ka tawo ang sakay niini diin lakip na niini ang kapitan.

Mibiya kini sa Pier 1 alas 7:00 sa gabii.

Daling gipadala sa PCG 7 ang ilahang vessel nga BRP Suluan (MV-4406) aron pag-reponde sa maong dapir.

Lakip sa ilahang gipadala ang Quick Response Team, medical team, ug uban pa.

Matod ni Dagalea nga lakip sa ilahang gipatabang pagresponde ang duol nga mga barko sa dapit diin naglakip kini sa LCT JSC 1 , LCT Melrevic 1, LCT Manoling ug MV Lady Victory.

Padayon ang pagresponde sa mga PCG 7 atol ning pagkutlo sa balita. (HBL)