USA ka hagit sa matag local government unit (LGU), barangay o siyudad, ang maayong pagkolekta sa basura matag adlaw.

Kini ang paghulagway ni Kapitan Franklyn Ong, presidente sa Association of Barangay Council (ABC) sa dakbayan sa Sugbo labot sa komentaryo sa Department of Interior and Local Government (DILG) nga magsugod sa barangay ang epektibo nga koleksyon sa basura.

Si Ong nagkanayon nga sa Cebu City, sagad sa mga barangay adunay mga garbage truck nga gipalit gikan sa ilang kaugalingon nga pundo.

Nanghinaot ang ABC President nga sa bag-ong administrasyon ni Mayor-elect Edgardo Labella magpadayon ang suporta sa siyudad ngadto sa 80 ka barangay may labot sa fuel allocation ug paghatag og alowance ngadto sa mga garbage loaders ug drivers. (PAC)