SA PADAYON nga clearing operation sa mga kadalanan sa lungsod sa Medellin ug Daanbantayan, giabisohan ang mga ginikanan ug residente nga ilikay ang mga anak o mga bata sa pagduwa sa karsada ilabi na sa dalan nga may nangatumba nga poste sa kuryente.

Kini human patay na nga nadangat sa tambalanan si Rodjie Valiente, human nakuryentihan sa linya sa Cebu Electric Cooperative (CEBECO) II atol sa clearing operation sa sitio Bangkal, Barangay Dayhagon, lungsod sa Medellin niadtong Disyembre 26, 2019.

Matod ni Mayor Joven Mondigo sa lungsod sa Medellin nga natumban sa bata ang linya hinungdan sa hinanaling kamatayon niini.

Samtang ang kauban nga si Andie Umacob, 7, daling gidala sa Cebu Provincial Hospital human makaangkon og mga paso sa lawas. (ANV, GPL)