Nasikop sa mga sakop sa Regional Police Drug Enforcement Unit (RPDEU) uban sa Bohol Police Provincial Office (BPPO) ang usa ka 34 anyos nga high value individual sa Purok 4, Ipil-ipil St., Barangay Mansasa, siyudad sa Tagbilaran, alas 9:15 sa gabii sa Miyerkules, Abril 27, 2022.

Ang nasikop giila nga si Mark Legaspi Miguel alyas “Pangag”, 34, taga Purok 4 Basak, Barangay Taloto, Tagbilaran City.

Nakuha gikan sa dinakpan ang 70 gramos sa gituohang shabu nga adunay standard drug price nga P476,000 lakip na ang buy-bust money ug usa ka cellular phone sa suspek.

Taudtaod na nga gipanid-an sa kapulisan ang illegal nga kalihukan ni Pangag sa Tagbilaran.

Dason sa kapulisan, moabot sa silingang mga lungsod ang iyang area of operation sa lalawigan sa Bohol.