Haya sa patay nabulabog human ang mga nagbilar nagkarambola, diin usa nadunggaban alas 12:50 sa kadlawon sa Miyerkules, Marso 3, 2021, sa Brgy. Mananggal, lungsod sa Dalaguete.

Si Rolly Belanizo, 42, ulitawo, nagpuyo sa dapit, samdan sa tiyan ug tuong abaga human dunggaba sa suspek nga giilang si Danny Villanil, 47, minyo, mananagat.

Si Police Corporal Pablo Rellen, Jr., sa Dalaguete Police Station nga nahinabi sa Superbalita Cebu nagkanayon nga sila si Belanizo ug Villanil nangbilar sa haya sa ilang namatay nga silingan. Nagduwa sila og baraha samtang nagtagay uban sa mga barkada.

Nagkalalis sila si Belanizo ug Villanil hinungdan nga nagkarambola. (GPL)