Gikatakda ang pag-abot sa Sabado sa gabii, Hunyo 3, 2023, sa bivalent coronavirus disease (Covid-19) vaccines, sumala sa Department of Health (DOH).

Ang bivalent nga bakuna moigo sa dili lang sa usa ka variant sa virus sa Covid-19.

“This is to inform you about the expected arrival of the donated bivalent Covid-19 vaccines tonight (Sabado), June 3, 2023 at around 10 p.m.,” dason sa DOH.

Giingon niini nga adunay kinatibuk-an nga 391,000 nga doses nga gidonar sa usa ka wala magpaila nga nasod alang sa Pilipinas.

“As soon as the vaccines arrive, these will be facilitated for transport to different regions and operating units for implementation and rollout,” dugang sa DOH.

Sa sayo pa, ang DOH miingon nga ang bivalent jabs gikatakdang gamiton isip ikatulong booster shots alang sa healthcare workers (A1) ug senior citizens (A2).

Matod pa, angayan nga makakuha sa ikatulo nga booster shots mao kadtong nakakuha sa ilang ikaduhang booster dose labing menos upat ngadto sa unom ka bulan ang milabay.

Base sa pinakaulahing datos sa DOH, niabot na sa 674,471 ka healthcare workers ang nahatagan og second booster shots.

Sa senior citizens, niabot na sa 970,020 ang nahatagan og second booster shots.

Ang bivalent jabs giingon nga maghatag og mas maayong proteksyon batok sa Covid-19 tungod kay kini adunay mga sangkap sa Omicron nga variant ug subvariants. (HDT / SunStar Philippines)