MOABOT sa 34 ka mga paresan ang nakapahimulos sa libre nga Kasalan Ng Bay nga programa sa kagamhanan sa Lapu-Lapu ug Department of Social Welfare and Development (DSWD).

Ang maong kalihokan gipahigayon sa Hoops Dome, Brgy. Gun-ob Lapu-Lapu City nga gihulagway sa mga partisipante nga mao pay pagkasuway nila sa usa ka bongga nga selebrasyon.

Si Mayor Paz Radaza nagkanayon nga ang Kasalan ng Bayan gitaganan alang sa sa Pantawid Group, DSWD ug sa City Government ug nagsilbing ikaduhang higayon nga gihimo sa siyudad.

“Nakita man gud nato nga duna pay pipila ka buok nga dugay na gyud silang nagpuyo dili legal ang ilang panagpuyo mao na nga part sa atong session sa ilaha sa family development center. Ato silang ato gipa-realize kon unsa ka importante nga aduna gyud legal nga pundasyon ang usa kapamilya,” matod ni Evelyn Macapobre, Regional Director sa DSWD VII

Usa sa mga gikasal sa programa mao sila si Erlinda Bering, 65 anyos ug Sherwin Bering, 45 anyos, nga taga-Barangay Babag nga maoy labing edaran nga gikasal sa maong batch.

Tug-an ni Mr. Bering nga silang duha pulos na biyudo ug biyuda.

Si Sherwin adunay duha ka mga anak samtang si Erlinda adunay upat ka mga anak. Kaniadto siya, matud pa, suholan ug sugo-sugoon ni Erlinda sa paghakot og tubig ug sa kadugay sa panahon sila nagkahinigugmaay ug siyam na katuig nga nagpuyo ug karon legal nga na kasal.

Nagmalipayon usab ang inahan ni Sherwin nga si Antonila Bering nga gikasal na ang iyang kamanghuran nga anak.

Kun adunay pinakatigulang nga gikasal aduna usab pinakabata sa programa mao kini sila si Daryl ug Ariel Abaño parehong 22 anyos ug taga Caubian siyudad sa Lapy-Lapu.

Sa speech nga gihatag ni Daryl emosyonal niyang gisaysay wa mo-uyon ang iyang ginikanan sa iyang plano magminyohinungdan nga way sakop sa iyang pamilya ang mitambong.

Nagtuo usab siya nga dili na sila madayon tungod sa nagsingabot nga Bagyong Ompong, apan bisan paman sa mga pagsulay nga ilang natagam-taman nadayon gihapon sila apan wala motunga ang ginikanan ni Daryl sa mismong kasal.

“Anything they do they always have to thank God and love for each other, give to each other, trust to each other that has to be always there para makasinabtanay,” mensahe ni Radaza sa mga bag-ong kasal. Ma. Devorah Taneo USJ-R Intern