Miresponde ang kabomberohan sa Talisay City Fire Station sa sunog nga nahitabo sa karaang buhatan sa hepe sa Talisay District Hospital sa Barangay San Isidro, Dakbayan sa Talisay Biyernes sa buntag, Agusto 30, 2019.

Nadawat sa Talisay City Fire Station ang alarma sa sunog alas 10:45 sa buntag.

Giisa ang sunog sa first alarm ug adunay pipila ka pasyente ang nigawas sa tamabalan.

Ang sunog napalong ra usab nunot sa tulo ka minuto.

Gibana-bana nga moabot sa P30,000 ang danyos sa maong sunog.

Wala ray gikatahong nakalas o naangol sa maong sunog.

Matod ni fire marshall Fire Senior Inspector Arra Alpajaro nga base sa ilang inisyal nga imbestigasyon, na-overheat ang telebisyon nga gigiamit alang sa monitoring sa ilang closed-circuit television (CCTV) cameras sa tambalanan.

Natapon ang kayo sa tapad nga sofa, hinungdan nga parsyal nga nasunog ang kanhi buhatan ni Doctor Agustin Agos Jr.

"Sa mga katulad nyan na ginagamit for CCTV, kailangan talaga frequent check-up sa mga appliances and sa wires. If sobrang init na, dapat may gawin agad,” natin,” pasabot ni Alpajaro sa Superbalita Cebu.

Dugang ni Alpajaro nga kanunayon ang pag-monitor sa mga appliances ug wirings.

"We advice them, especially sa mga offices, kung aalis ang mga tao sa office, ibton gyud tanan nga wires. Kapag ganyan talaga, na ginagamit siya, puwedeng papahingahin," dugang sa fire marshall. (Superbalita Cebu)