LILOAN, Southern Leyte -- Usa ka de-pasaheroan nga bus ang nalimbuwad sa highway sakop sa Sitio Marangay, Barangay Himay-angan, Liloan, Southern Leyte.

Kini gikompirmar ni Police Senior Inspector Ryan Jill Merquita, hepe sa Liloan Police Station.

Matod ni Merquita, nahitabo ang insidente mga alas 12 ganinang udto, Sabado, Pebrero 9.

Dugang ni Merquita, daghan ang mga samdan sa maong disgrasya diin ang uban nga nagrabehan gipangdala sa tambalanan sa Sogod, Southern Leyte.

Wala pa hinuon makahatag og dugang detalye si Merquita kay tua pa sa area ang imbestigador.

Ang maong bus adunay tatak nga RFV Tours.

Naa na karon sa kustodiya sa Liloan Police Station ang drayber. (JKDP)