SA MIAGING buwan, Marso, ang Fire Prevention Month 2020 minus kaayo og kaso sa sunog kon itandi sa miaging tuig 2019 sa talaan sa Cebu City Fire Department (CCFD).

Tungod ba kaha kini sa giimplimentar karon sa Sugbo nga lockdown tungod sa coronavirus disease 2019 (Covid-19)?

Si SFO1 Wendel Villanueva, tigpamaba sa CCFD nga nahinabi sa Superbalita Cebu nga sa miaging Marso 2020 adunay 23 ka mga sunog ang ilang gitubag kon itandi sa 70 ka mga sunog sa miaging 2019.

Dugang ni Villanueva nga bisan sa kinatibuk-ang ihap sa danyos sa mga sunog nga gipang-alarmahan sa CCFD karong tuiga niabot sa P1.3 milyones ang kinatibuk-ang danyos kon itandi sa miaging tuig nga miabot sa P1.8 milyones.

"Mas attributable dihang dapita ang gipatuman nga mga kamanduan karon gyud kay ang mga tawo naa ra sa ilang balay," matod ni Villanueva.

Dugang ni Villanueva nga dinhi makita nato nga ang mga uban anaa lang sa ilang mga balay makabantay sa ilang mga nakonsumo nga kuryente sukwahi sa normal nga sitwasyon nga dili mabantayan, tungod sa ilang mga trabaho.

Ang Bureau of Fire Protection lukop nasod gikan sa pagpatuman sa red alert status sa Fire Prevention Month wala pa libkasa nunot na sa Covid-19 crisis. (BBT)