GIGAKOS lang og kalit sa iyang igsuong babaye si Aaron Gabriel Uy human nahibaw-an niini nga mi-top sa labing uwahi nga Chemist Licensure Examination results.

Ang 23-anyos kinsa nigradwar sa University of San Carlos (USC), lumad nga taga Barangay Pit-os, dakbayan sa Sugbo.

Sa wa pa siya mo-shift sa kurso nga Chemistry, didto siya nitungha sa University of the Philippines - Diliman sa kursong Chemical Engineering.

Apan dihang nakamatikod siya nga mas daghan ang Math sa maong kurso itandi sa Chemistry, ni-shift siya ug nibalik sa Sugbo aron mopadayon sa iyang pagtungha.

Si Uy mao ang kinamaguwangan sa ilang duha ka mga managsuon.Sa pagkakaron wa pa siyay trabaho.

Gibutyag usab niya sa Superbalita Cebu nga wa siya’y damgo nga trabaho o goal sa kinabuhi nga related sa Chemistry tungod kay way background ang ilang pamilya. HBL