Unang plano nga matukod rehabilitation center ang daaknayan sa Lapu-Lapu alang sa mga drug dependent apan nausab na kini karon.

Si Mayor Junard Chan nagkanayon gna makigtambayayong na lang ang kagamhanan sa pribadong rehabilitation center diin mahimong ipahimutang ang mga Oponganon nga nagumon sa giadiling drugas.

Mao kini ang gibutyag ni Chan human sa panagtigom nga gipahigayon sa City of Lapu-Lapu Office for Substance Abuse and Prevention (C-Losap) ug mga opsyal sa Philippine Drug Enforcement Agency (PDEA) 7.

Natuki atol sa panagtigom ang importansya sa pagtukod og usa ka pasilidad diin mahimong mapaubos sa reformation ang usa ka drug dependent labi na kadtong walay ikagasto sa ilang pagpa-rehabilitate.

Pasabot ni Chan nga alang kaniya, mas makagasto ang dakbayan kalabot niini apan dako.

Gawas nga mogasto sa pagpatukod ug mogasto usab ang kagamhanan sa mga personnel ug staff.

Aron makadaginot makigtambayayong na lang sila ug pribadong rehabilitation center sanglit han-ay na tanan ang ilang pasilidad ngadto sa mga personnel ug staff.

Ang plano sa kagamhanan nga ang House of Hope sa Brgy Gun-ob maoy ikatambayayong sa kagamhanan sa ilang programa alang sa mga kabus nga mga drug dependent.

Apan kinahanglan pa kini ug usa ka memorandum of agreement kun MOA una kini matigayon.

Ubos unya sa MOA ang dakbayan maoy mobayad sa House Of Hope sa Oponganong masulod sa naasoy nga pasilidad.

Apan kadto lang mga kabus o indigent ang mahimong makapahimulos unya sa programa sa lokal nga kagamhanan, matod ni Chan.

“Dako ta’g ma save wa natay maintenance wa natay magamit nga mga personnel kay naa naman ang House of Hope maka-save ta sa atong lugar kay ang facility naa na sila and then ang family gibilin (sa drug dependent) kitay mo take care,” matod ni Chan. (GCM)