Gideklarar sa municipal council sa Kalayaan sa Palawan ang Chinese Ambassador to the Philippines nga si Huang Xilian isip persona non grata.

Si Kalayaan Sangguniang Bayan Member Maurice Philip Alexis Albayda misulat sa Resolution No. 125-015 nunot sa insidente niadtong Agusto 5 sa kadagatan sa Ayungin Shoal diin gibombahan sa China Coast Guard ang barko sa Pilipinas samtang anaa sa resupply mission sa mga tropa sa BRP Sierra Madre.

Gipabilin ni Albayda ang katungod sa nasod sa Ayungin Shoal tungod sa hukom sa Uni­ted Nations Convention on the Law of the Sea (UNCLOS) nga nagpakita sa Pilipinas nga 200 nautical miles exclusive economic zone nga naglangkob sa teritoryo nga giangkon sa China sa West Philippine Sea.

“Sapagkat, sa pahayag ni Ambassador Huang Xilian, Kinatawan ng Embahada ng Tsina, sa Pilipinas, kanyang iginiit na ang resupply mission ay pagwawalang bahala sa paniniwala ng Tsinan a ang te­ritoryo ay isa sa kanila ay isang kalapastanganan sa pinagtibay na desisyon ng UNCLOS na nagsasaad ng 200NM eksklusibong bahagi ng ekonomiya ng bansa,” tipik sa resolusyon.

Si Huang wala pa magkomento bahin niini.

Sa laing bahin, ang Armed Forces of the Philippines (AFP) niawhag sa China nga “behave” samtang nagpahigayon sila og laing resupply mission sa mga tropa nga nadestino sa BRP Sierra Madre sa Ayungin Shoal.

“They should not interfere in our RoRe (rotation and resupply) mission,” matod ni AFP spokesperson Colonel Medel Aguilar sa News Forum sa Quezon City sa Sabado, Agusto 19, 2023. (SunStar Philippines)