NANAWAGAN ang Children’s Legal Bureau Inc. (CLBI), non-government organization (NGO), nga susihon sa awtoridad ang nahitabong pagmaltrato ug tangtangon ang mga abusadong kawani sa Cebu City Operation Second Chance (CCOSC) nga rason nga ning-ikyas ang 11 ka bata sa maong pasilidad.

Sa opisyal nga pamahayag sa CLB pinaagi sa tigpamaba niini nga si Atty. Noemi Truya-Abarientos, wala na sila mahibulong nga dunay insidente nga susama sa nahitabo niadtong Oktubre 4.

“Sometime in July 2019, when the Cebu City government was implementing changes in the management of the Operation Second Chance, which included the designated of new house parents, we already received reports that the children were becoming restless and anxious of the new set-up,” tipik sa maong pamahayag.

Dugang nila nga ang maong mga gipangtudlo nga house parents nga gikan sa laing departamento sa gobyerno, wala kini gipaubos sa proper orientation ug training, kini aron makahibaw ni unsaon pagdala ang mga bata hilabi na kining mga children in conflict with the law (CICLs).

“While the escape did not surprise us, we are particularly alarmed with the revelations made by the returning children that they were maltreated, nay, tortured by house parents and police officers while inside the facility," dugan sa pamahayag,

Dugang sa CLB nga nakadawat sila og taho nga gibunalan og arnis ning mga bata ug higtan kini diin mao kini ang gihimo sa bag-ong tagdumala isip disiplina sa mga bata.

Nagtuo ang CLB nga mao kini ang rason nga niikyas ang mga bata sa pasilidad. (HBL)