SUGOD sa Lunes, Disyembre 16, naka heightened alert status na ang Coast Guard Central Visayas isip pagpangandam sa Pasko ug bag-ong tuig.

Ang maong heightened alert status molungtad kini hangtod Enero 5.

Niining mga petsaha, magbutang sila og Malasakit Help Desk isip assistance sa mga pasahero nga sumasakay.

“Definitely yung atong Coast Guard District Central Visayas will be heightened alert starting po ito ng December 16 hanggang January 5 and then ang mga Coast Guard po natin kasama po ang mga PCG-A natin yung Coast Guard Auxiliary na tinatawag natin is mag-e establish po tayo ng Malasakit Help desk kung yun pong mga concern ng ating mga kababayan na tatawid gamit ang karagatan po ay may malalapitan po sila at mapagtatanungan kung meron pong karamdaman po yung mga pasahero pwede po nilang lapitan,” matod sa tigpamaba sa PCG 7 nga si Lieutenant Junior Grade Michael John Encina.

Dugang niini nga magbutang sila og medical teams sa mga terminal diin uban nila ang Oplan Biyaheng Ayos: Sa Pasko, diin katambayayong nila ang nagkadaiyang ahensiya.

Gipahibawo usab ni Encina nga walay tugotan nga maka- leave sa Coast Guard personnel karon nga anaa sila sa heightened alert status ning holidays. (HBL)