Mas nikunhod ang kaso sa coronavirus disease sa Dakbayan sa Sugbo sa pagsugod sa ning buwan sa Mayo.

Base sa talaan sa Emergency Operation Center (EOC) nga gidumala ni Cebu City Councilor Joel Garganera nga gikan sa Mayo 1 ngadto na sa Mayo 7 anaa ra sa 3.35 porsiyento ang daily positivity rate (DPR) gikan niadtong dul-an sa 6,000 ka mga tawo nga gi-swab.

Sumala ni Garganera nga maoy deputy chief implementer sa EOC nga ang Cebu City nakatala og 11.1 porsiyento s a critical care occupancy rate (CCOR) sa 11 ka private hospitals gikan niadtong Abril 30 hangtod Mayo 10.

Samtang adunay unom ang positibo gikan sa 413 ka individual nga gikuhaan og sample para sa Covid testing.

Na-obserbahan sab ni Garganera base sa iyang pag-monitor ug report gikan sa mga tigpaniid nga misubay sa health protocol ang mga restaurant bar owners kini human nga upat ka adlaw na nilang gitugotan nga makabaligya og ilimnong makahubog sa ilang mga kustomer. (PAC)