Nitibugsok na og maayo ang gidaghanon sa mga nataptan sa coronavirus disease 2019 (Covid-19) sa dakabayan sa Sugbo.

Ang Emergency Operations Center (EOC) nipahibawo nga 21 nalang ka bag-ong kaso ang ilang natala gikan sa 434 ka mga individual kun 4.85% positivity rate nga gikuhaan og sample niadtong Abril 11, 2020. Sa kasamtangan, ang Cebu City adunay 734 active Covid-19 cases.

Si Konsehal Joel Garganera, deputy chief implementer sa EOC, nanghinaot nga mapadayon o mapaubsan pa sa Cebu City inubanan sa kooperasyon sa mga Sugbuanon, ang gidaghanon sa kaso sa mosunod nga mga semana o buwan.

Mao usab kini ang nasinati sa Dakbayan sa Lapu-Lapu subay sa datus sa City Health Office sa dakbayan.

Gani sa miaging semana, duha ka adlaw nakatala og single digit ang dakbayan kalabot sa bag-ong mga kaso.

Nahitabo kini niadtong Abril 5 diin nakatala ang dakbayan og tulo ka mga kaso ug nasundan niadtong Abril 11 diin nakatala ang dakbayan og walo ka mga kaso. (PAC, GCM)