SA PAGPALAMBO sa supply sa baboy sa Lalawigan sa Sugbo, ang Department of Agriculture (DA) sa Central Visayas nisaad sa paghatag og pundo alang sa pagpatukod og swine multiplier ug breeder farms sa Sugbo.

Kini maoy gipasalig ni Undersecretary William Medrano sa pagbisita sa Kapitolyo.

Matod ni Medrano, suporta kini sa Enhanced Countryside Development (ECD) nga programa sa lalawigan ug importante ang swine multiplier aron pag-stabilize sa supply.

Ang Sugbo nagpabilin nga green zone sa DA o gawasnon sa sakit nga African Swine Fever (ASF). (ANV)