DAGHAN ang naka-recover itandi sa nataptan sa Covid-19 sa dakbayan sa Sugbo, Hunyo 22, 2020.

Base statistics gikan sa City Health Department (CHD) , adunay 42 ka mga individual ang nilampos sa pagpatay sa virus samtang 37 ang bag-ong natakboyan ug usa ang patay.

Ang barangay Labangon adunay naka-recover nga 33 ka individual, 6 gikan sa barangay Tisa ug tag 1 gikan sa barangay Duljo, Guadalupe ug Kalubihan.

Ang mga bag-ong nataptan gikan Basak San Nicolas (3), Bo. Luz (1), Bulacao (2), Calamba (2), Camputhaw (2), Capitol (2), Cogon Pardo (1), Cogon Ramos (3), Duljo (2), Guadalupe (9), Hipodromo (2), Inayawan ( 1), Labangon (6) ug Lahug (1).

Ang 37 ka mga kaso nga natali kagahapon maoy ikaduhang adlaw nga ubos ang gidaghanon sa mga nataptan human niadtong Hunyo 21 nga adunay 42 ka mga individual ang natakboyan sa maong virus.

Si City Administrator Floro Casas Jr., padayon nga nanawagan ngadto sa katawhan nga dili mogawas sa ilang mga balay sanglit gawas nga delikado ang Cebu City ilawom sa enhanced community quarantine. (PAC)