CALBAYOG CITY, Samar-- Usa ka dentistang babayi ang gipusil-patay sa P-2, Barangay Rawis, siyudad sa Calbayog, Samar, alas 4:45 Lunes sa hapon, Abril 15.

Giila ang biktima nga si Vicky Rumohr, 72, dentista, nagpuyo sa samang lugar.

Base sa inisyal nga imbestigasyon sa kapulisan sa Calbayog, sakay sa iyang pick up nga Estrada color Gray (HBC 576) ang biktima.

Nag biyahe kini sa Magsaysay Boulevard pauli na sa iyang pinuy-anan.

Pag abot sa may STI Colleges, gipamusil sa makadaghan nga higayon ang biktima sa wa mailhing responsable.

Naigo ang biktima sa iyang nawong hinungdan sa iyang kamatayon.

Nakamaneho pa og mga 100 metros ang biktima sa una kini nakabsan sa kinabuhi.

Padayon pa ang imbestigasyon sa kapulisan sa insidente kung unsa ang motibo ug kinsa ang responsable. (JKDP)