Mohilak nga mga bata sa panahon sa pagbakuna batok sa Covid-19 dili tusokan, matod sa Visayas Vaccination Operation Center (VVOC)

Gipasabot ni Dr. Mary Jean Loreche, tigpamaba sa VVOC, nga bisan ang mga bata adunay katungod nga dili magpabakuna kon sila nangahadlok.

Nianunsyo ang national government nga karong Oktubre sugdan ang pagpamakuna sa mga 12 anyos ngadto sa 17 anyos.

Kon ang bata muhilak sa panahon nga bakunahan, sigon ni Loreche nga dili kini dayunon ug abisohan nga papaulion.

Dugang niya nga bakunahan kini kon kalmado na ug andam nang magpabakuna.

Matod niya nga importante ang pagpasabot ngadto sa mga bata bahin sa maong bakuna aron mas makasabot sa tumong.

Sigon sab ni Loreche nga una pa mabakunahan ang mga menor de edad, kinahanglan nga adunay kuyog nga ginikanan o guardian ug magdala og proof of affiliation, mamahimo lang og birth certificate ug valid identification (ID) card. (KFD)