DUGANG mamuhonan ug tabang gikan sa kagamhanan sa dakbayan sa Xiamen sa China ang gipaabot human gibag-o ang sisterhood agreement tali sa kagamhanan sa dakbayan sa Sgbo.

“It was a renewal of sister city relation for the last 35 years and also to express thanks to Xiamen for extending so many help,” matod ni Cebu City Mayor Edgardo Labella.

Niadtong Septiyembre 8, 2019, si Labella, uban sa pipila ka department heads ug officials sa siyudad, niadto sa Xiamen aron pag-apil sa 'Silk Road Forum' diin ang mayor nakapresentar sa siyudad labi na sa kasayon sa pamatigayon sa Sugbo ug mga kalamboan sa dakbayan sama sa turismo.

Matod ni Labella, human sa forum daghang interesado nga mobubo og puhonan sa Sugbo.

Karong Oktubre 28, si Labella nibutyag nga pipila ka opisyal sa Xiamen moanhi sa Sugbo aron pagdonar sa duha ka fire trucks sa dakbayan.

Didto sa Xiamen, si Labella ug mga kauban nakabisita sa waste-to-energy facility, hospital services, ug husing development.

Si Labella niawhag kang Konsehal Raymond Alvin Garcia sa pag-umol og ordinansa sa pagngalan sa usa ka dalan nga Xiamen Street. (JJL)