GILUSAD sa kapulisan sa Siyudad sa Talisay nga gipaluyohan usab sa local government unit (LGU), ang Oplan Limpyo Talisay nga kabahin sa ilang paghingusog sa kampanya batok sa illegal nga drugas.

Ang kampanya gitumong ngadto sa duha ka mga barangay sa dakbayan nga dunay dakong problema sa illegal drugs: Tanke ug San Roque.

Matod ni Police Major Gerard Ace Pelare, hepe sa Talisay City Police Station nga ang Oplan Kalinaw Talisay motutuk sa problema sa illegal nga drugas.

Kini pinaagi sa himuon nga multi-agency outreach program sa Barangay Tanke ug San Roque nga abagan sa mga ahensya sa gobyerno nga pangulohan ni Mayor Gerald Anthony “Sam-sam” Gullas. Nabantayan hinuon ni Pelare nga sukad nga ilang gipahugtan ang kampanya batok illegal nga drugas sa Tanke, nagmingaw na kini panahon sa kagabhion.

‘If your are going to check in Tanke and San Roque now pag gabii, halos wala nay tawo,” matod ni Pelare. (AYB)