SI Presidente Rodrigo Duterte niuyon nga modagan pagka bise presidente sa Mayo 2022 elections, matod sa pamahayag sa ruling Partido Demokratiko Pilipino Lakas ng Bayan (PDP-Laban) sa Martes, Agosto 24, 2021.

Sa usa ka pamahayag, ila usab nga gibutyag ang pasiuna nilang senatorial slate nga naglakip:

House of Representatives Deputy Speaker Rodante Marcoleta

Department of Information and Communications Technology Secretary Gregorio Honasan

Chief Presidential Legal Counsel Salvador Panelo

Department of Transportation Secretary Arthur Tugade

Department of Public Works and Highways Secretary Mark Villar

Si Cabinet Secretary Karlo Nograles, executive vice president sa PDP-Laban, niingon nga si Duterte nakombinser sa panawagan alang sa “transition of leadership” nga moseguro sa pagpadayon sa iyang mga programa batok sa terorismo, insurhensya, kurapsyon, kakabus ug illegal drugs.

Gitumbok usab ni Nograles ang panginahanglan sa pagpadayon sa Build Build Build program ug sa 10-point socio-economic agenda sa administrasyong Duterte.

Iya usab nga gitataw ang panginahanglan nga mapadayon ang coronavirus disease 2019 (Covid-19) vaccination program.

“President Rodrigo Duterte agreed to make the sacrifice and heed the clamor of the people, and accepted the endorsement of the PDP-Laban Party for him to run as vice president in the 2022 national elections,”matod ni Nograles.

Ang partido mopahigayon og national convention sa Septiyembre 8, 2021 sa San Jose Del Monte Convention Center sa Bulacan. (MVI)