PALO, Leyte - Normal sa pagka karon ang sitwasyon sa Eastern Visayas taliwala sa hulga sa bagyong Usman.

Kini base sa uwahing report sa Police Regional Office (PRO) 8, alas 6 karong buntag.

Base sa report sa PRO8, naa sa 4,319 ka pasahero ang stranded lukop rehiyon gumikan sa giisa nga storm signal.

Anaa naman sa 536 ka sakyanan ug 8 ka sea vessels ang stranded.

Pabiling operational ang elektrisidad samtang maagian naman ang tanan nga mga karsada ug tulay.

Anaa sa 488 ang mga bukas nga evacuation centers apan wa pay naitala nga mga namakwit.

Wala namay natala nga nabahaan ug nakasinati og landslide.

Duna usab gi deploy nga 48 ka search and rescue personnel ang PRO8 ug laing 1,095 ang naka standby.

Base sa report sa PAGASA gikatakda nga mo landfall sa Eastern Samar karong gabie ang bagyong Usman.

Alas 9 sa buntag, Biyernes, Disyembre 28, gipa-ubos sa Pagasa ang Tropical Cyclone Warning Signal No. 1 ang Leyte apil na ang

Eastern Samar, Northern Samar, Samar, Biliran, Leyte, Southern Leyte, Northern Cebu including Camotes Islands, Aklan, Capiz, Iloilo

Guimaras, Antique, and Northern Negros Occidental.