SI NASER Fuentes, kontrobersyal nga event coordinator, naglaslas sa iyang wala nga pulso mga alas 10 sa buntag sa Huwebes, Septiyembre 23, 2021 sa iyang giabangang lawak sa Barangay Casili, lungsod sa Consolacion.

Si Fuentes naabtan sa iyang mga silingan sulod sa iyang lawak nga giabangan nga nagkadugo na human maglaslas sa iyang pulso gamit ang usa ka blade.

Dali siyang gidala sa mga personnel sa barangay ngadto sa emergency room sa Eversley Childs Sanitarium and General Hospital sa Barangay Jagobiao, Dakbayan sa Mandaue human makombinser sa iyang silingan nga magpadala sa ospital.

Si Fuentes naulaw kaayo human mag trending ang usa ka video sa naghilak nga bride nga naguol ug nauwaw kay way reception nga nahitabo human sa kasal sa usa ka simbahan sa lungsod sa Minglanilla sa Miyerkules diin siya ang event coordinator.

Ang bride nga si Cherry Pie Purisima nakita sa video ni Tonskie Elsisura nga naghukdong nga naghilak.

Si Fuentes nabayran na og unta og full sa tanang mga gimbuhaton sa kasal, apil na ang mga dayandayan sa kasal, programa ug pagkaon.

Nahibaw-an ang nahitabo kaniya human siya mangabli sa pultahan sa balay nga iyang gipuy-an. (REV)