ANG Filinvest Land, Inc. (FLI) nipahibalo sa pagkatangtang na sa walo ka dagkong haligi nga nipatong sa setback sa Il Corso Mall sa South Road Properties (SRP).

Kini tukma 15 ka adlaw nga lugway nga ilang gipangayo sa buhatan ni Atty. Rey Gealon, pangulo sa City Legal Office human nitapos ang duha ka buwan niadtong Setyembre 30 ning tuiga.

Si Jovita Polloso, senior vice president sa Festival Supermall Inc., maoy nipahibawo sa buhatan ni Gealon niadtong Oktubre 14 nga nahuman na ang ilang paguba sa mga haligi.

“To date, all eight posts have been totally removed and cleared from demolition site with final touch on repainting to complete rectification works,” itpik sa suwat ni Polloso.

Si Gealon niingon nga iya nang giduso ngadto ni Architect Florante Catalan, pangulo sa Office of the Building Official (OBO) ang compliance report sa FLI para paghimo sa maong buhatan og technical inspection sa IL Corso sa SRP sa SRP.

“We expect that FLI have comprehensively complied with the city’s demand to abide by the provisions of the National Building Code on setback including underground cabling connections and like network installations which is covered by the law as well,” dugang ni Gealon.

Ang pangulo sa City Legal Office nga si Gealon ug Atty. Jose Daluz III, SRP Manager ni hukagway nga kini nagpakita nga ang Cebu City Government ug FLI adunay maayong relasyon. (PAC)