Wa na kinahanglana pa ang RT-PCR test isip rekisito sa trabahante nga mobalik sa trabaho human maigo sa coronavirus disease 2019 (Covid-19) ug naayo na human mapailawom sa pag-atiman sa isolation facilities sa Dakbayan sa Sugbo.

Mao kini ang pahibawo ni Cebu City Councilor Joel Garganera, deputy chief implementer sa Emergency Operations Center (EOC) sa usa ka memorandum nga gipetsahan og Mayo 4, 2021,

Si Garganera niingon nga igo na ang giluwatan nga certificate sa isolation facility nga gipirmahan sa usa ka medical officer.

Gibase kini ni Garganera sa general guidelines nga giluwatan sa Department of Health (DOH).

“The Clinically Recovered Certificate issued by the isolation facility signed by the medicial officer-in-charge must be sufficient to prove the previously Covid-19 positive person has already recovered, already non-infectious, and thus, is fit for reintegration to the community and to the workplace,” matod ni Garganera. (REV)