Balita

Gen. Ferro ‘adopted son’ sa Cebu City

Sunnexdesk

Gihangop og kalipay ni Police Brigadier General Albert Ignatius Ferro ang pagdeklarar kaniya sa Cebu City Council nga adopted son sa dakbayan sa Sugbo, sama ni retired General Melquiades Feliciano ug sa iyang asawa nga si Mia.

Ang magtiayong Feliciano gitudlo nga manguna aron sulbaron ang pagsulbong sa kaso sa Covid-19 sa dakbayan sa Sugbo.

Nangamahan sa resolusyon silang Konsehal Joel Garganera, Philip Zafra ug Franklyn Ong tungod sa gipakita niining labok nga ma pugngan ang pagkatap sa gika hadlokan nga coronavirus disease 2019 (Covid-19).

Gidayeg usab sa konseho ang kalampusan sa Police Rgional Office (PRO) 7 Visayas sa kampanya sa ilegal nga drugas diin sukad kini milingkod isip direktor si Ferro niadtong Pebrero 6, 2020 daghan na kinig nadakpan nga mga high value individual (HVI).

Ang kapulisan nakasakmit na kinig 106,884 gramos sa gituohang shabu nga mo balor sa P726,811,744 sa 3,820 ka anti-illegal drug operations.

Moabot usab sa 544 ka HBTI ug 5,119 ka street levels ang ilang nadakpan ug 1,150,026 gramos sa marijuana ang naibot sa kapulisan.

Gibutyag sa resolusyon, sukad sa Pebrero 6, 2020 hangtod sa Oktubre 23, mikuhod ang crime incidents. / AYB

Sand Cay.

Study shows 'degrading state' of marine life in PH’s Sandy Cay 

US, Japan, Australia, PH call out China over activities in WPS

Cedric Lee now at NBP

LTFRB: Current jeepney fare to remain despite PUV modernization

Union backs CPA in latest legal tussle with Cebu City