SUSOB ang follow-up operations sa kapulisan sa Police Station 2 sa Mandaue City Police Office (MCPO) sa pagsuta sa agbanhig-patay kang Ervin Dunhill Inocando, 27, sa eskina sa dan A.P. Cortes St. ug J.P. Laurel sa Barangay Tipolo niadtong Martes sa buntag, Disyembre 14,

Si Police Major James Conaco, hepe sa Station 2 sa MCPO, niingon nga daghang kaso si Inocando nga naglambigit sa pagpatay ug gidiling druga.

Nadakpan na kini kaniadto tungod sa paghupot og shabu, dugang ni Conaco.

“Paingon mi sa Carcar karon (Disyembre 15). Among tan-awon tong mga kaso nga iyang gikalangkuban”, matod ni Conaco.

Dugang ni Conaco dugang sa ilang nahibaw-an nga si Inocando napriso na sa kasong murder ug nakapiyansa ug naa pa usab laing kaso nga murder, wala pay labot sa iyang kaso sa paghupot og armas kon diin siya nadakpan sa lungsod sa Argao.

“Daghan nag kaso sa Carcar daw daghan na ug napatay sa Carcar,” dugang ni Conaco sa Superbalita Cebu.