GIAWHAG ni Lapu-lapu Mayor Paz Radaza ang mga ginikanan sa hugot nga pagbantay sa mga kabataan aron malikay sa hazing.

Plano ni Radaza nga mas hugtan ang pagbantay sa mga kabataan karon ilabina sa ilang mga nagkadaiyang tunghaan kini tungod sa sunod-sunod nga pagluwas sa mga menor de edad nga nabiktima sa hazing.

“Ato man gi-hingusgan ang curfew, other than that ang kana sa parents brigade, I think they will be adviced sa pagtabang sa pagbantay sa mga bata sa pagsibat-sibat sa mga skwelahan o ang mga ginikanan sa ilahang isigka-balay, I think bantayanan nila ilang mga bata... di man nimo ma-entrust tanan sa gobyerno ug ngari sa DepEd ang ilang mga anak. I think sila mismo mga ginikanan ila sang bantayan asa na napunta ilang mga bata,” matod ni Radaza.

Lakip niini, mas hugtan karon sa Malasakit Centers ang pagtan-aw sa mga kabataan ug pag-rescue sa mga biktima sa hazing.

Gipaambit sab ni Radaza nga nakig-alayon siya sa Officer-In-Charge (OIC) sa Lapu-lapu Police Office (LCPO) nga si P/SSupt. Lemuel Obon nga mismo ang magbansay sa mga kabataan sa Junior Police aron mas mabantayan ang mga kabataan bisan sulod sa ilahang mga tunghaan. Reyna Lopez, USJ-R Intern