ARON mahatagan og Feng Shui tips, gitapok sa Globe myBusiness ang Filipino-Chinese entrepreneurs sa opening salvo sa Create. Modern Tao Ke (Boss): Chinoypreneurs’ Guide to a Prosperous Year of the Metal Rat.

Tinguha sa Globe myBusiness nga makigtambayayong sa mga Filipino entrepreneur.

Gawas sa paghatag og mga solusyon, mga serbisyo ug teknolohiya, tumong niini nga mahimo kini nga kasaligan nga partner nga makig-ambit sa kalampusan sa gagmay ug medium nga mga negosyante nga mga Pilipino.

Aron makigsaulog sa Filipino-Chinese nga mga negosyante sa Metro Manila, nakigduyog ang Globe myBusiness sa kasaulogan sa Chinese New Year niadtong Enero 25, 2020 pinaagi sa pagsalmot sa Chinese New Year Parade didto sa Binondo, Manila.

Apan sa wala pa ang Chinese New Year, nisalmot na ang Globe myBusiness sa kalingawan pinaagi sa pag co-present sa Create. Modern Tao Ke nga kalihukan uban sa Chinoy TV niadtong Enero 21 sa Chinatown Museum sa Binondo.

Gidala niini ang bantugan nga Feng Shui Master, Marites Allen. Ang kalihukan gi-host ni Ms. Earth 2019 Janelle Tee.

Nahimo nga malampuson ang event alang sa mga Filipino-Chinese entrepreneurs sa tanang stages sa ilang patigayon.

Gisugdan ang kalihukan pinaagi sa tour sa Chinatown Museum ug gitapos sa paghatag og Feng Shui forecast ni Allen.

Ang Hotel Lucky Chinatown nidalit og pabugnaw ngadto sa mga nanambong sa sayong selebrasyon sa Chinese New Year ug duna usab raffle prizes alang sa swerteng mga entrepreneur nga nitambong.

Ang Create. Modern Tao Ke kay usa ka tibuok tuig nga aktibidad alang sa Chinoypreneurs. (PR)